Maa❤️

Aj Darasal Kavita Angrezi Mai Likhni Thi
Ab Kya Kare Maa keh Liye,
Matrubhasha Hi Dil Se Nikalni Thi

Dil Ke Alfaaz Samundar ke Lehro Se
Tez Uth Rahe Hai
Par Pehle Mere Maa Ke Charan Sparsh Karlu, Dekhe Bahut Din Ho Gaye Hai

Kisiki Nazar Na Lage
Aisa Kajal Lagaya Hai…
Seene Se Laga Kar Mujhe
Lori Gakar Sulaya Hai…!!

Mere Sare Bhavnaye Bin Kahe
Pehachan Leti Hai…
Lagta Hai Apne Liye Nahi
Bacho Ke Liye Jeeti Hai…!!

Bukhar Mujhe Ho, Par Raat
Usne Jag Jag Kar Kati Hai
Upkar Apne Maa Ka Kabhi,
Chuka Na Pau Utni Baki Hai

Apne Sare Tamanna Chodkar
Bacho Ki Khusiyo Ki Dua Voh Mangti Jati
Sayad Jaan Chuki Hai, Ek Maa Ki Dua
Us Bhagwan Seh Bhi Tali Nahi Jati

Tere Daulat Ke Sath Sath
Tujhe Sab Chod Jayenge
Yaad Rakhna Sirf Tere Maa Ki
Dua Hi Tere Kaam Ayenge

Bade Hue To Sab Ghar
Walo Ke Farmaishe Aye
Maa Chahti Hai Ki Uska Beta
Bas Sahi Salamat Ghar Aye

Apne Pure Jeevan Mai Kuch
Bada Banu Ya Na Banu
Bas Mere Maa Keh Aankhon Mai
Aansoo Aye Uski Wajah Na Banu

Lagta Hai Hum Itne Behtarin Lekhak Nahi
Joh Maa Ke Mahatva Ka
Varnan Karne Chal Pade…

Jab Yashoda Maiya Se Bichad Kar
Khud Nirmohi Bhagwan
Krishna Hi Roh Pade…!!!